பறவைகள் சிறகு இருப்பதால் மட்டும் பறப்பதில்லை . இடையுறாத தேடுதலால் தான் பறக்கின்றன . அந்த வேட்கை தான் கண்ணுக்குத் தெரியாத அதன் மூன்றாவது சிறகு . நமக்குள்ளும் அந்த மூன்றாவது சிறகு இருக்கிறது . அதை விரித்துப் பறக்க நாம் எத்தனிப்பதில்லை . தனது தேடுதலின் வழியே இந்தியாவின் அறியப்படாத நிலப்பரப்பை . மனிதர்களை , அரிய நிகழ்வுகளை நமக்கு அடையாளம் காட்டும் எஸ்.ராமகிருஷ்ணன் நம்மையும் அவருடன் சேர்ந்து பறக்க வைக்கிறார் என்பதே நிஜம் .

அறிவியலோ இலக்கியமோ எதுவாயினும் கற்பனைதான் அதன் ஆதாரம் . ஆகவே கற்பனையான ஜீவராசிகளின் வழியே இந்த இரண்டு துறைகளையும் அறிந்துகொள்ள வழிகாட்டுகின்றன இக்கட்டுரைகள் . அறிவியல் , இலக்கியம் , சினிமா , கவிதை என்று நான்கு தளங்களின் பொதுப் புள்ளிகளையும் இக்கட்டுரைகள் ஒன்றிணைக்கின்றன .

ஜப்பானின் ஹிரோஷிமா மற்றும் அமெரிக்கப் பயணத்தில் கண்ட வால்டன் ஏரி என தனது பயணத்தில் வழி பெற்ற அனுபவங்களை தனது வசீகர எழுத்தின் மூலம் நம்மையும் அனுபவிக்கச் செய்திருக்கிறார் . ஹிரோஷிமா அணுகுண்டு வெடிப்பு குறித்து விரிவாக எழுதப்பட்ட நூல் என்பது குறிப்பிடத்தக்கது .