தமிழில் இன்று இயங்கிவரும் எந்த எழுத்தாளனும் அறியாத விளிம்புநிலை மனிதர்களின் பிரதேசங்களை அறிந்திருப்பவர் பவாசெல்லதுரை மட்டுந்தான் . பொதுப் பார்வையின் வெளிச்சத்தில் படாத வேட்டைக்கார நரிக்குறவர்களையும் , இனத் தொழிலாக களவைக் கைக்கொண்டிருக்கும் உப்புக்குறவர்களையும் , எலி , பாம்புகளை வேட்டையாடிக் கொண்டு , உபதொழிலாக வீடுபுகுந்து திருடும் இருளர்களையும் , கிணறு வெட்ட குழுவாக வரும் ஒட்டர்களையும் இவர் கதைகளைத் தவிர வேறெங்கும் காணமுடியாது .
இவரின் கதையுலகில் நுழைந்துவிட்டால் எதிர்ப்படும் விநோதங்கள் எல்லாமே அபூர்வமானவை . மல்லாட்டையை உரித்தால் வெளியே வரும் ரோஸ்நிற தேவதைகளும் , மரங்களில் கொத்துக்கொத்தாகப் பூத்திருக்கும் சி றுவர்களும் , கிணறு வெட்டும்போது புதுத்தண்ணி மண்ணைப் பிளந்து கொண்டு பீறிடும்போது வளையல்களைக் கழற்றி அந்தக் கிணற்றுக்குள் எறிபவளும் , அப்பா அடிப்பதற்கு உயர்த்திய கையைப் பிடித்து முறுக்கியவனும் மறக்க முடியாத நுட்பமான வாசி ப்பனுபவத்தை வாசகர்களுக்கு அளிப்பவர்கள் .
ஜி.குப்புசாமி

பாரதி , புதுமைப்பித்தனுக்குப் பிறகு இலக்கிய மேதமை கொண்டு விளங்கியவர் பிரமிள் . நவீன தமிழின் முதல்தரக் கவியாகவும் முதன்மையான விமர்சகராகவும் போற்றப்பட்டவர் . எந்த ஒரு தத்துவ , இலக்கிய , மதப்பார்வை களிலிருந்தும் தனித்ததான , தேர்ந்ததான , சுயமான தாகத்தெரியும் சிந்தனைவீச்சை அவர் கொண்டு இருந்தார் . உலகளவிலான பெரும் சிந்தனையாளர்களைப் படித்தும் அறியமுடியாத நுணுக்கங்கள் , அவரது பேச்சிலும் , எழுத்திலும் தெறிப்பாகப் பிறந்து ஆச்சரியப்படவைக்கும் . அந்த ஆழத்திலிருந்து பிறந்தவற்றைக் கொண்டதே இந்நூல் .