உலக சினிமாவின் புதிய திசையை அடையாளம் காட்டும் இந்நூல் கொரியா , பிரான்ஸ் , ருஷ்யா , ஹாங்காங்க் . மெக்சிகோ , சீனா , இத்தாலி , ஸ்பெயின் , நியூசிலாந்து , அமெரிக்கா என பத்து முக்கிய தேசங்களின் இளம் இயக்குனர்களையும் அவர்களது முக்கிய திரைப் படங்களையும் ஆராய்கிறது . சமகால உலக சினிமாவைப் புரிந்து கொள்ளவும் தமிழ் சினிமாவில் புதிய மாற்றங்களை உருவாக்கவும் விரும்பும் அனைவருக்கும் மிக நெருக்கமானது இந்நூல்.

தமிழின் முக்கியமான எழுத்தாளர்களின் படைப்புகளின் வழியாக எஸ்.ராமகிருஷ்ணன் நடத்திய இலக்கியப் பயணமே இந்த ‘ கதாவிலாசம் ’ ” . தன்னைப் பாதித்த தமிழ் எழுத்தாளர்களின் கதைகளை , தன் சொந்த அனுபவங் களையும் சேர்த்து சுவைபட எழுதியிருக்கிறார் எஸ்.ரா. தமிழ் சிறுகதையின் சாதனையாளர்களின் கதைகள் இந்தப் பட்டியலில் அடக்கம் . கதைகளின் வழியாக வாழ்க்கையின் விசித்திரங்களையும் , ஆச்சரியங்களையும் கேள்விகளையும் இந்த நூலின் ஒவ்வொரு அத்தியாயமும் நமக்குள் எழுப்புகிறது .