பாபர் , பானிபட் , அக்பர் , தின் இ – லாஹி , தெய்வீகக் தாஜ்மஹால் , காதல் , ஒளரங்கசீப் , தேஜ் பகதூர் , சிவாஜி , மாம்பழக் கூடை என்று முகலாய வரலாறை வேர்க்கடலைத் தோலுக்குள் திணித்து விடுகிறது நம் பாடப்புத்தகம் .

உண்மையில் அது ஒரு பிரம்மாண்டமான சரித்திர சமுத்திரம் . நாம் இதுவரை பார்க்காத பக்கங்கள் மிக நிறைய ! அத்தனையும் அற்புதம் சுமந்த பக்கங்கள் .

பல கைக்குட்டை கிராம ராஜ்ஜியங்களாக இருந்த துணைக் கண்டத்தை முதல் முதலில் ஒரே பிரம்மாண்டமான தேசமாக்கும் முயற்சி முகலாயர்களாலேயே மேற்கொள்ளப்பட்டது . ஆந்திர எல்லை வரை ஒளரங்கசீப் படையெடுத்திருக்காவிட்டால் இந்தியா ( அன்றைக்கு ஹிந்துஸ்தான் ) உருவாக இன்னும் நாளாகியிருக்கும் ! நமது இன்றைய மதச்சார்பின்மை , அன்றைய அக்பரின் மத நல்லிணக்கத்தின் தொடர்ச்சியே .

இன்னும் சொல்லலாம் . முகலாயர்களின் முன்னூறு ஆண்டுகால ஆட்சி , நவீன இந்தியாவின் முதல் மாதிரி வடிவம் .

இந்நூல் பேரரசர்களின் வண்ணமயமான வாழ்வை விவரிப்பதுடன் நின்றுவிடவில்லை . ‘ இந்திய தேசியம் ‘ என்னும் கருத்தாக்கம் தோன்றி , வலுப்பெற்று , எழுந்து கோலோச்சத் தொடங்கிய கதை இதன் அடிநாதமாக இருப்பதே சிறப்பு .

யூதர்கள் , செங்கிஸ்கான் வரிசையில் முகிலின் மற்றுமொரு வரலாற்று நூல் . முகலாயர்களின் எழுச்சி முதல் வீழ்ச்சி வரை முழுமையாக விவரிக்கும் முதல் தமிழ் புத்தகம் இதுவே . இந்திய சமஸ்தானங்கள் குறித்து முகில் எழுதிய அகம் , புறம் , அந்தப்புரம் வரலாற்றுத் தொடர் , குமுதம் ரிப்போர்ட்டரில் இரு ஆண்டுகள் வெளிவந்து வரவேற்பைப் பெற்றது .