‘ ஆடிப்பாவைபோல ‘ என்ற நாவல் , அதன் பெயர்சுட்டுவதுபோல இரு வடிவங்கள் கொண்டது … முன்பு ஆசிரியனை மையமாக்கி நாவலை அணுகினார்கள் . ஆசிரியனின் ‘ மரணத்துக்கு’ப்பின் வாசகனின் நோக்கில் நாவலை அடையாளப்படுத்துகிறார்கள் . ஆகவே மூன்று வகையாக இந்த நாவலை வாசிக்கலாம் . இளங்காதலர்கள் கதையில் ஊடாடினாலும் அவர்களுக்குத் தொடர்பில்லாமல் , திராவிட அரசியலின் இந்தி எதிர்ப்புக்கால வரலாறு வருகிறது .

இன்றைய கணினி , கிண்டில் போன்ற எந்திரங்கள் மூலம் வாசிப்பதற்கு ஏற்ற கதைசொல் உத்தி . இயல்களைத் தாண்டிப்போய் வாசிக்கும்போது நாம் இடைவெளி விடுகிறோம் . அந்தத் தாண்டுதல் ஒரு புது அர்த்தமாக அமைகிறது . 21 ஆம் நூற்றாண்டிற்குரிய இலக்கியம் தமிழில் கால் வைக்கிறது .

மனித நாடகங்களைக் காட்சிப்படுத்தும் விதத்தில் குறிப்பிடத்தக்கது , மனத்தை அரிக்கும் அங்கதம் மற்றும் கூர்மையான வசனங்கள் .

மில்ட்ரெட் ஆடம்ஸ் , நியூயார்க் டைம்ஸ் புத்தக விமர்சனம்

” மிகுந்த கற்பனையாற்றலும் மிகுந்த திறனும் கொண்ட நாவல் ஒரு மனிதனின் வாழ்க்கை மூலமாக நவீன மெக்சிகோவின் வரலாற்றைக் கூறிச்செல்கிறது … இந்தப் புத்தகத்தின் அமைப்புநயம் , கட்டமைவு , மனோவியல் மற்றும் விவரிப்பின் வளமையைக் கண்டு திகைப்படைந்தேன் . “

ஸ்டீபன் ஹ்யூ – ஜோன்ஸ் , நியூ ஸ்டேட்ஸ்மென்

நாவலின் தொடக்கத்தில் , ஆர்தேமியோ க்ரூஸ் – ஓர் எல்லாம்வல்ல செய்தித்தாள் நிறுவனர் மற்றும் நிலப்பிரபு , மோசமாக நோயுற்ற நிலையில் படுக்கையில் கிடக்கிறார் . கனவு போன்ற தெறிப்புகளில் அவரது வாழ்க்கையின் மிக முக்கியமான கட்டங்களை நினைவுகூர்கிறார் . கார்லோஸ் புயந்தஸ் இந்தக் கலைடாஸ்கோப்பின் தொடர்காட்சிகளை திகைப்பூட்டும் விதத்தில் புதுமையான வகையில் கையாள்கிறார் . ஒரு நினைவின்மீது மற்றொரு நினைவை அடுக்குகிறார் . தொடக்ககாலத்தில் மெக்சிகோ புரட்சியின்போது க்ரூஸ்சின் நாயகத்தன்மை வாய்ந்த ராணுவ நடவடிக்கைகள் , போருக்குப்பின் இரக்கமற்ற , நேர்மையற்ற முறையில் ஏழ்மையிலிருந்து செல்வத்தின் உச்சியில் பண்ணைவீட்டின் முதலாளியாக உயர்வது , தற்போது உடல்நலமில்லாத முதியவராக தனது நீண்ட பல்வேறு வன்முறைகள் நிறைந்த வாழ்க்கையைத் திரும்பிப் பார்ப்பது என , உண்மையில் இது கார்லோஸ் புயந்தஸ்சின் ஆகச்சிறந்த படைப்பு , ‘ ஆர்தேமியோ க்ரூஸ்சின் மரணம் ‘ இன்றைய மெக்சிகோவுக்குள் நிகழும் ஓர் உயிரோட்டமுள்ள பயணம் .