லீ குவான் யூ வழக்குரைஞர் பட்டம் பெற்றது கேம்பிரிட்ஜில் . அங்கிருந்த பேராசிரியர்கள் இனபேதம் பார்க்கவில்லை . ஆனால் விளையாட்டுத்திடல் , பேருந்து , உணவுவிடுதி , வியாபார ஸ்தலங்கள் இங்கெல்லாம் மற்றவர்களால் ஆசியர்கள் நடத்தப்பட்ட விதம் கண்டு லீ கொதித்தார் . என்னதான் இங்கிலாந்தின் கட்டுப்பாடும் , நாகரீகமும் , பண்பாடும் அவரை ஈர்த்தாலும் பிரிட்டிஷ் இன வெறியர்கள் நடந்துகொண்ட விதம் அவரைத் தீவிர அரசியலை நோக்கி நகர்த்தியது . பிரிட்டிஷாரின் ஆதிக்கத்திலிருந்து விடுவிக்கப்பட்டு , இந்தியாவும் பாகிஸ்தானும் சுதந்தர நாடுகளாக அறிவிக்கப்பட்டதிலிருந்து அவர்களின் வேட்கையும் , வேகமும் அதிகரித்த விதம் அவருக்கு நம்பிக்கையையூட்டியது . சிங்கப்பூரில் அப்போதைக்கு ஆட்சியிலிருந்த அரசியல் கட்சி , ஏழைகளின் உழைப்பை உறிஞ்சிக் கொழுத்ததை அவர் ரசிக்கவில்லை . அதற்காக கம்யூனிச சித்தாந்தத்தையும் அவர் ஏற்கவில்லை . மாற்று அரசியலை முன்வைக்க முடிவுசெய்து மக்கள் செயல் கட்சியை ( Peoples Actions Party ) நிறுவி ஆட்சியைப் பிடித்தார் . 31 ஆண்டுகள் சிங்கப்பூரின் பிரதமராக இருந்த காலத்தில் தரைமட்டமாகக் கிடந்த சிங்கப்பூரை வானுயர்ந்த கோபுரமாக மாற்றியமைத்தார் . சிங்கப்பூர் உலக வர்த்தகத்தின் மையப் புள்ளியானது இவரது தீர்க்க தரிசனத்தால்தான் . நவீன சிங்கப்பூரின் ஒவ்வொரு அங்குலமும் இவருடைய பெயரைத்தான் ஜெபித்துக்கொண்டிருக்கிறது .
தேசத் தந்தையாக சிங்கப்பூர் மக்களால் போற்றப்படுகிறார் லீ குவான் யூ . அவரது வாழ்க்கையின் அடிநாதமாக இருக்கும் முக்கியமான விஷயங்கள் அனைத்தும் இந்த நூலில் நான்கு பாகங்களில் விவரிக்கப்பட்டிருக்கிறது . லீ குவான் யூவின் ஆரம்ப வாழ்க்கைத் தொடங்கி அவருடைய கல்வி , அரசியல் நுழைவு , அவருடைய இலக்கு , அதை அடைய அவர் எதிர்கொண்ட சவால்கள் , அவருடைய கம்யூனிச எதிர்ப்பின் பின்னணி , தமிழர்கள் மீது அவர் அன்பு காட்டுவதற்கான காரணம் இவை அனைத்துக்கும் விடை சொல்கிறது இந்தப் புத்தகம் .

பதினேழு முறை இந்தியாவுக்குத் தொடர்ந்து படையெடுத்துப் பெரும் செல்வத்தைக் கொள்ளையடித்துச் சென்ற சுல்தான் கஜினியில் ஆரம்பித்து , பிரிட்டிஷ் ஆட்சியாளர்களால் நாடு கடத்தப்பட்ட கடைசி மொகலாய மன்னர் பகதூர்ஷா வரை நிகழ்ந்த சம்பவங்களை , வாழ்ந்த மன்னர்களை நெருக்கமாக விவரிக்கும் இந்தச் சுவையான வரலாறு ஜூனியர் விகடனில் ஐம்பத்து மூன்று வாரங்கள் தொடராக வெளிவந்தபோது , லட்சக்கணக்கான வாசகர்கள் பிரமிப்போடும் சிலிர்ப்போடும் படித்து ரசித்தார்கள் . மதன் எழுதிய இந்த வரலாற்றுத் தொடர் முடிந்தபோது ‘ அடடா ! முடிந்துவிட்டதே … தொடரக்கூடாதா .. ? ‘ என்று நினைத்தவர்களே அதிகம் . ஆனந்த விகடனில் 1970 – ல் கார்ட்டூனிஸ்ட்டாகச் சேர்ந்து விகடன் நிறுவனத்தின் ஆனந்த விகடன் , ஜூனியர் விகடன் , ஜூனியர் போஸ்ட் ஆகிய மூன்று பத்திரிகைகளுக்கும் இணை ஆசிரியராகப் பணியாற்றினார் . மதனின் முழுப்பெயர் மாடபூசி கிருஷ்ணஸ்வாமி கோவிந்தகுமார் . மனைவி ஜெயந்தி . இந்தத் தம்பதிக்கு திவ்யா , அமிதா என்று இரு மகள்கள் உண்டு . மதனின் பள்ளிப் பருவம் சென்னையில் …. திருவல்லிக்கேணி இந்து உயர்நிலைப்பள்ளி . கல்லூரிகள் : விவேகானந்தா , சென்னை மாநிலக் கல்லூரி . கல்லூரியில் அவர் படித்த சப்ஜெக்ட் சரித்திரமல்ல , பௌதீகம் என்பது குறிப்பிடத்தக்கது !