‘ விலகி ஓடிய கேமரா ‘ புத்தகம் முழுக்க ஒரு பெருவாழ்வின் நதி நீர் சுழித்து சுழித்து ஓடுகிறது . இவ்வளவு நகைச்சுவையோடு தன்னுடைய வாழ்வின் ஏற்ற இறக்கங்களை ஒரே மாதிரி எடுத்துக் கொண்டு , பரிசுத்தமாய்ப் பதிவு செய்யும் மனதை அவருக்கு வாழ்வனுபவங்கள் மட்டுமே கற்றுத் தந்திருக்கிறது . அனுபவம்தான் நமக்கு வாழ்வியல் நெறியை , அதன் சூட்சுமங்களை அள்ளிக் கொடுக்கிறது . அதுமட்டும்தான் இப்புத்தகப் பக்கமெங்கும் பரவிக்கிடக்கும் உண்மை .