இவளோடு இருக்கும்போது ஏன் முன்பு டேட்டிங் செய்த பெண்ணின் நினைவு வருகிறதென வியப்பு வந்தது . அநேக பெண்கள் நிகழ்காலத்தில் இருக்க விரும்புகிறார்கள் போலும் . என்னைப் போன்றவர்கள்தான் ஒன்று இறந்தகாலத்தில் இருக்கிறோம் அல்லது எதிர்காலத்திற்கு ஓட எத்தனிக்கிறோம் . இறுதியில் நல்ல விடயங்களையெல்லாம் தவறவிட்டு விடுகிறோம் என எண்ணிக்கொண்டேன் .

எல்லாவற்றையும் நினைக்க நினைக்க மனது நெகிழ்வதுபோல பட்டது . முகத்தில் விரிந்த மெல்லிய புன்முறுவலை காற்றெடுத்துப் போனது . தற்செயலாய் திரும்பிப் பார்த்து , ‘ என்ன உன்பாட்டில் சிரிக்கிறாய் ‘ என்றாள் . எவ்வளவு காயங்கள் வாழ்வில் வந்தாலும் , பெண்களில்லாத வாழ்வு சாத்தியப்படாதென ஆசீர்வதிக்கப் பட்டிருக்கிறேன் என மனதுக்குள் நினைத்துக் கொண்டேன் .

…. நாவலில் இருந்து