ஓணம் பண்டிகையை ஆய்வுக்கு எடுத்துக்கொள்ளும் இந்நூல் அதன்மூலம் பண்பாடு தொடர்பான சுவாரஸ்யமான பக்கங்களை நம்முன் விரிக்கிறது . இந்து பண்டிகையாக அறியப்படும் ஓணம் பண்டிகையின் அடிப்படையாக பௌத்தமே இருந்தது என்று வாதிட்டு இன்றைக்கு புறநிலையில் திரிந்திருந்தாலும் உள்மெய்யாக பௌத்த அடிப்படையே உறைந்து நிற்கிறது என்று நிறுவுகிறது . கேரளத்தில் ஓணம் நடக்கிற நாளிலேயே தமிழகக் கோயில்களின் விழாக்களிலும் சடங்குகளிலும் வெளிப்படும் தொடர்புகளையும் இந்நூல் எடுத்து வைத்துள்ளது . பண்பாட்டை ‘ உள்மெய்யாக வாசித்தல் என்னும் பண்டிதர் அயோத்திதாசரின் அணுகுமுறையை கையாண்டு இந்நூல் எழுதப்பட்டுள்ளது .