நாவலென்பது தத்துவத்தின் கலை வடிவம் என சொல்லப்படுவதுண்டு . ஒரு நல்ல நாவல் வெவ்வேறு வாழ்க்கைப் பார்வைகளின் மோதலாக , பின்னலாக உருக்கொள்ள வேண்டும் . ஒரு வரலாற்றுப் பிரக்ஞை நாவலுக்குள் செயல்பட வேண்டும் . கதை மாந்தர்கள் உணர்வு ரீதியாக வாசகருடன் பிணைப்புக்கொண்டு முழுவதுமாக பரிணாமம் கொள்ள வேண்டும் . ஆன்மீகமான ஒரு தளத்தை அடைய முற்படும்போது நாவல் தனிப்பட்ட முறையில் அகத்திற்கு நெருக்கமான ஒன்றாக ஆகிவிடுகிறது . நவீனின் முதல் நாவல் ‘ பேய்ச்சி ‘ அவ்வகையில் , மேற்கூறிய அனைத்து எதிர்பார்ப்புகளையும் ஈடு செய்யும் தமிழ் புனைவு வெளியில் , மிக முக்கியமான புதுவரவு என சொல்லலாம் .

சுனில் கிருஷ்ணன்