கல்லூரியில் படிக்கும் காலத்திலேயே நண்பர்களுடன் சேர்ந்து மாணவர் சோசலிஸ்ட் அமைப்பை உருவாக்கி பொதுவாழ்க்கையில் தன்னை முழுமையாக இணைத்துக்கொண்டவர் கே.சந்துரு . தொழிற்சங்கத் தலைவர் வி.பி.சிந்தனின் வழிகாட்டலில் இடதுசாரி இயக்கத்தோடு இணைந்து தீவிரமாகச் செயல்பட்டவர் . சட்டம் பயின்று சென்னை உயர் நீதிமன்றத்தில் பணியாற்றியபோது , தொழிலாளர் வழக்கறிஞராகப் உரிமைகளைப் பாதுகாக்கவும் சமூக நீதியை நிலைநாட்டவும் அர்ப்பணிப்போடு செயல்பட்டவர் . சென்னை உயர் நீதிமன்றத்தின் நீதிபதியாகப் பொறுப்பு வகித்த ஏழாண்டு காலத்தில் 96000 வழக்குகளை விரைந்து முடிவுசெய்து காலதாமதத்தைத் தவிர்த்த பெருமைக்குரியவர் . தனது பதவிக் காலத்தில் காலனியாதிக்க மரபுகளை உறுதியாகத் தவிர்த்து முன்னுதாரணத்தை உருவாக்கியவர் சந்துரு சட்டம் மற்றும் நீதித் துறை தொடர்பாக அவர் சமீபத்தில் எழுதி வெளிவந்த கட்டுரைகளின் தொகுப்பு இது .