கதை என்ற வடிவின்மீது எனக்குத் தீராத மோகம் உண்டு , தொடக்கம் , முடிச்சு , முதிர்வு என்ற அமைப்பு உள்ள கதையின் செவ்வியல் வடிவம் மனித குலத்தின் சாதனைகளில் ஒன்று என்றே நான் எண்ணுகிறேன் . காண தமிழில் பெரும்பாலான படைப்பாளிகளின் பெருந்தொகைகளில் ஒரேவகை ஆக்கங்களையே முடியும் . இந்தத் தொகுப்பில் ஒரே வகையான சிறுகதைகளைப் பார்க்க இயலாது . துல்லியமான யதார்த்தச் சித்திரிப்பு , முழுமையான மிகை புனைவு , புராணப்புனைவு , சமூகச் சித்திரிப்பு , கட்டுரையின் தன்மை கொண்ட கதைகள் , வெறும் படிமங்களால் ஆன கதைகள் என்று பலவிதமான கதைகள் இத்தொகுப்பில் இடம்பெற்றுள்ளன . வடிவத்தை , மொழிநடையை , கருப்பொருளை மாற்றியபடி , தாவியபடி இந்தக் கதைகள் இருப்பதைக் காண்கிறேன் .